ಭಾರತ-ಚೀನಾ ಪಂದ್ಯ ಗೋಲುರಹಿತ ಡ್ರಾ

ಸುಝೌ (ಚೀನಾ): ಸಮಬಲದ ಹೋರಾಟ ಪ್ರದರ್ಶಿಸಿದ ಭಾರತ ಮತ್ತು ಚೀನಾ ತಂಡಗಳು ಎರಡು ದಶಕಗಳ ಬಳಿಕ ಉಭಯ ದೇಶಗಳ ನಡುವೆ ಏರ್ಪಡಿಸಲಾಗಿದ್ದ ಅಂತಾರಾಷ್ಟ್ರೀಯ ಸೌಹಾರ್ದ ಫುಟ್ಬಾಲ್‌ ಪಂದ್ಯದಲ್ಲಿ ಗೋಲು ರಹಿತ ಡ್ರಾ ಸಾಧಿಸಿವೆ.

ಇಲ್ಲಿನ ಒಲಿಂಪಿಕ್‌ ಸ್ಟೋರ್ಟ್ಸ್ ಸೆಂಟರ್‌ ಸ್ಟೇಡಿಯಂನಲ್ಲಿ ಶನಿವಾರ ನಡೆದ ಕುತೂಹಲಕಾರಿ ಪಂದ್ಯದಲ್ಲಿ ಇತ್ತಂಡಗಳು ಎಷ್ಟೇ ಪ್ರಯತ್ನ ನಡೆಸಿದರೂ ಒಂದೂ ಗೋಲು ದಾಖಲಾಗಲಿಲ್ಲ. 97ನೇ ಶ್ರೇಯಾಂಕದ ಭಾರತ ತಂಡ ಪಂದ್ಯದ ಅಂತಿಮ ಕ್ಷ ಣದಲ್ಲಿ ಸಿಕ್ಕ ಗೋಲಿನ ಅವಕಾಶವನ್ನು ಸಮರ್ಥವಾಗಿ ಬಳಿಸಿಕೊಂಡಿದ್ದರೆ 18 ಪಂದ್ಯಗಳಲ್ಲಿ ಮೊದಲ ಜಯದ ಸವಿ ಸವಿಯುತ್ತಿತ್ತು. ಆದರೆ ಸಾಧ್ಯವಾಗಲಿಲ್ಲ.

21 ವರ್ಷಗಳ ನಂತರ ಭಾರತ ಮತ್ತು ಚೀನಾ ಇದೇ ಪ್ರಥಮ ಬಾರಿಗೆ ಮುಖಾಮುಖಿಯಾಗಿದ್ದವು. 1997ರಲ್ಲಿ ಕೊಚ್ಚಿಯಲ್ಲಿ ನಡೆದ ನೆಹರೂ ಕಪ್‌ ಟೂರ್ನಿಯಲ್ಲಿ ಕೊನೆಯದಾಗಿ ಪರಸ್ಪರ ಆಡಿದ್ದವು. ಅಂದು ಚೀನಾ 2-1 ಗೋಲುಗಳಿಂದ ಭಾರತ ತಂಡವನ್ನು ಸೋಲಿಸಿತ್ತು. ಆಡಿದ 17 ಪಂದ್ಯಗಳಲ್ಲಿ ಚೀನಾ ವಿರುದ್ಧ ಭಾರತ ಒಮ್ಮೆಯೂ ಗೆದ್ದಿಲ್ಲ. 12 ಪಂದ್ಯಗಳಲ್ಲಿ ಚೀನಾ ಜಯಿಸಿದ್ದರೆ, 5 ಪಂದ್ಯ ಡ್ರಾ ಆಗಿದ್ದವು.

MyByndoor

Leave a Reply

Your email address will not be published.

error: Mere Bai..Copy Matt Kar..